«Ауыл» партиясының өкілдері Алматы метросында фотокөрме өткізді. Ауыл шаруашылығы тақырыбына арналған 50-ден астам сурет көрермен назарына ұсынылды.Ұйымдастырушылар қарапайым шаруалардың еңбегін елге жеткізуді көздеген. Өкінішке қарай, көп жас азық-түлік қауіпсіздігін егіншілікпен немесе мал шаруашылығымен емес, азық-түлік дүкендерімен ғана байланыстырады, дейді олар. Саяси ұйым өкілдері метромен жүріп, жолаушылармен емен-жарқын әңгімелесті. Халықтың көкейкесті сұрақтарына жауап беріп, алдағы сайлау науқанының маңызына тоқталды. Мұнан соң, «Ауыл» партиясының мүшелері Алматыдағы университитеттердің біріне барды. Мамандармен саладағы қордаланған мәселелерді оңтайлы шешудің жолдарын талқылады. Партияның сайлауалды үгіт-насихат жұмыстары мұнан әрі Шығыс Қазақстан облысында жалғаспақ. Дәурен НҰРМАҒАМБЕТОВ, ШАРУА ҚОЖАЛЫҒЫНЫҢ БАСШЫСЫ: Қазіргі кезде шаруа қожалықтарымен біз асылдандыру жұмыстарымен қызмет атқарудамыз. Сапалы өнім, тұқымдылығын жақсарту. Сапалы қымызбен қамтамасыз ету жолында біз ғылыми зерттеу жұмыстарымен айналысып жатырмыз. Ауылдағы халықтың еңбегін бағалай білуіміз керек.