Мәжәліс және мәслихаттарға "Ауыл" партиясынан ұсынылған кандидаттар бүгін Қарағанды облысына барды. Өңірдегі ұн тарту кешеніне ат басын бұрып, еңбек ұжымымен кездесті."Ауыл" партиясының мүшелері Қарағанды облысындағы ұн тарту кешеніне барып, қордаланған мәселелерді шешу және саланы дамыту жолдарын талқылады. Онан соң, облыс орталығында сайлаушыларымен жүздесіп, бірқатар жиналыс өткізді. Саяси ұйымның тұғырнамасын түсіндіріп, сайлауалды үгіт-насихат жұмыстарын жүргізді. Делегация мүшелері ертең Ұлытау облысына баруды көздейді. Осы аптада тағы Ақтөбе және Батыс Қазақстан облыстарына бағыт алу жоспарда бар. Айта кеткен жөн, партия өкілдері бұған дейін еліміздің оңтүстігі мен солтүстігін және шығысын қамтыған болатын.