"Ауыл" партиясы өкілдерінің батыстағы жұмыс сапары жалғасып жатыр. Кандидаттар Қобда ауданындағы "Әлия" патриоттық тәрбие беру орталығына барып, батыр қыздың рухына тағзым етті. Ауданның аграрлық қарқынымен танысып, сайлауалды үгіт-насихат жұмыстарын жүргізді.Партия мүшелері Орал қаласына ат басын тіреп, Мәншүк Мәметова атындағы мемориалдық мұражайға соқты. Кеңес Одағы батыры туралы тың ақпарат алды. Қазақтан шыққан тұңғыш ұшқыш қыз Хиуаз Доспанова оқыған мектепке барды. Жәңгір хан атындағы Батыс Қазақстан аграрлық-технологиялық университетінің ұжымымен кездесті. Облыстық ауыл шаруашылығы басқармасында жиналыс өткізіп, саяси ұйымның тұғырнамасын түсіндірді. Қала іргесіндегі құс фабрикасы мен ет өңдеу цехының жұмысшыларымен жүздесті. Партияның алдағы жұмыс сапары еліміздің оңтүстігінде жалғасады.