Қазақстанда техникалық байқаудан өту ережесі өзгерді, - деп хабарлайды Massaget.kz тілшісі "Ұлттық ақпараттық технологиялар" АҚ (ҰАТ) қоғаммен байланыс департаментінің баспасөз қызметіне сілтеме жасап.Жол ережесін бұзушылар мен жалған тексеру белгілерін анықтаған техникалық байқаудың диагностикалық карталары жойылатыны хабарланды."Егер диагностикалық карта жойылса, көлік иесіне 1414 нөміріне техникалық байқаудан қайта өту қажеттілігі туралы SMS-хабарлама келеді", - деді министрлік.Диагностикалық картаның күшін жоюды "Инспекция" бірыңғай ақпараттық жүйесінің операторы және жұмыс тобы жүйеге келіп түсетін деректерге мониторинг жүргізу кезінде жүзеге асырады. Өзгерістер көлік құралын міндетті техникалық байқаудан өткізуді ұйымдастыру мен толықтыруларға қатысты.Диагностикалық карта техникалық байқаудан өткені туралы растайтын құжат екенін ескеріңіз, онсыз автокөлік ел ішінде жүре алмайды. Картаны міндетті техникалық байқаудан өту ережелеріне сәйкес техникалық байқау орталықтары (операторлар) береді."Жыл сайын біз жалған техникалық байқаудан өткен операторлардың жұмысын тоқтатамыз. Тек 2021 жылы орталықтардың 249 иесінің жүйеге кіруі тоқтатылды. Ал 2022 жылы бұл көрсеткіш 168-ге дейін төмендеді. Техникалық байқаудан өту ережелерін бұзған жағдайда, техникалық куәландыру орталығының иелері ғана емес, сонымен қатар барлық автокөлік иелерінің өздері де жауапты болады", - деді "Ұлттық ақпараттық технологиялар" АҚ басқарма төрағасы Ростислав Коняшкин.Еске сала кетейік, техникалық байқаудан өту ережесіне сәйкес, жаңа автокөліктердің иелері 7 жыл бойы техникалық байқаудан өте алмайды. Қалғандары көлікті келесі кезеңі бойынша техникалық байқау орталықтарында тексеруге міндетті:әр 12 ай сайын, шығарылған жылын қоса алғанда, 7 жылдан асқан, автокөлік саласындағы кәсіпкерлік қызметте пайдаланылмайтын, N1-3, О1-4, L1-7, сондай-ақ қауіпті жүктерді тасымалдауға арналған және жабдықталғандарды қоспағанда, арнайы және мамандандырылған көлік құралдары М1 санаттары,әр 6 ай сайын – автокөлік саласындағы кәсіпкерлік қызметте қолданылатын М1 санаттары, адамдарды тасымалдау үшін жабдықталған М2, М3, N, сондай-ақ қауіпті жүктерді тасымалдауға арналған және жабдықталған М1, N1-3 және О1-4 санаттары.Техникалық байқаудан өтпегені үшін әкімшілік айыппұл – 5 АЕК (17 250 теңге).Айта кетейік, "Ұлттық ақпараттық технологиялар" АҚ Үкімет қаулысымен Міндетті техникалық байқаудың бірыңғай ақпараттық жүйесінің операторы болып тағайындалды. Сондай-ақ, Үкімет қаулысымен техникалық ақпараттың бірыңғай жүйесі ақпараттық-коммуникациялық инфрақұрылымның аса маңызды объектілерінің тізіміне енгізілген.Өткен жылдың мамыр айында Ішкі істер министрлігі басшылығының қатысуымен өткен Мәжіліс отырысында депутаттар Қазақстанда техникалық байқаудан өту тәртібін қатайту мәселесін көтерген болатын. Депутат Саировтың айтуынша, техникалық байқау салғыртыққа айналып, осының салдарынан жолдағы қайғылы оқиғаларға себеп болып жатыр.