"Бешікташ" ЦСКА мен Қазақстан ұлттық құрамасының жартылай қорғаушысы Бақтиер Зайнутдиновтың трансфері бойынша келіссөздерді әлі жүргізіп жатыр, деп хабарлайды Zakon.kz prosports.kz-ке сілтеме жасап."Бешікташ" мәскеулік клубпен келісімге келуге жақын, келісім 3 миллион еуроға (плюс бонустар) жетуі мүмкін. Түркияға көшкен жағдайда ойыншы Қазақстан азаматы болғандықтан, легионердің орнын алмастан "Бешікташ" сапында ойнай алады. Жаңа маусымнан бастап Түркия футбол федерациясы түркі текті футболшыларға жергілікті футболшылармен бірдей мәртебе берді. Зайнутдиновтың ЦСКА-мен қазіргі келісімшарты 2025 жылдың жазына дейін. 25 жастағы футболшы өткен маусымда 27 матчқа қатысып, бір гол соғып, үш нәтижелі пас берді.
Жаңалықтар
