«Ғимаратқа жарылғыш зат қойылған». Соңғы уақытта 102 нөміріне осындай хабарлама жиі түседі. Мұндай қадамға «ересектер ішімдік ішіп, ал оқушылар қызық үшін барады» дейді мамандар. Былтыр Елордада 157 қоңырау түскен. Оның 15 фактісі бойынша қылмыстық іс қозғалды. Ал биыл 1 айдың ішінде 7 қоңырау түскен. Аталған қылмысты жасайтындардың басым бөлігі кәмелет жасына толмағандықтан олардың ата-аналарына айыппұл салынады.Данияр ШЫМЫРҚҰЛОВ, АСТАНА ҚАЛАСЫ ПД ЭКСТРЕМИЗМГЕ ҚАРСЫ ІС-ҚИМЫЛ БАСҚАРМАСЫНЫҢ БАСТЫҒЫ: Ойланбай жасалған әрекеттің аяғы келтірілген материалдық зиянды өтеп, қылмыстық жауапкершілікке тартылуға әкеп соқтырады. ҚР Қылмыстық кодексінің 273 бабы бойынша (терроризм актісі туралы көрнеу жалған хабарлау) қылмыс жасаған тұлғалар 5 жылға дейінгі мерзімге бас бостандығынан айыруға жазаланады.