Балаларға ақша үшін жыныстық қатынасқа түсуді ұсынған қарағандылық 8 жылға сотталды

Қарағандыда балаларға ақша үшін жыныстық қатынасқа түсуді ұсынған ер адам 8 жылға сотталды, деп хабарлайды Stan.kz ақпарат агенттігі.34 жастағы күдіктіге қатысты қылмыстық істі Қарағанды ​​облысының кәмелетке толмағандардың істері жөніндегі мамандандырылған ауданаралық соты қарады. Азамат Қылмыстық кодекстің "Көрінеу жас балаға қатысты күш қолданбай азғындық әрекеттер жасау " бабы бойынша сотталды.Сот биылғы жылдың сәуір айында Қарағанды ​​тұрғынының бес кішкентай балаға жыныстық қатынас үшін ақша ұсынып, әдепсіз әрекеттер жасағанын анықтады.“Сотталушының кінәсі кәмелетке толмаған жәбірленушілер, олардың заңды өкілдері мен куәгерлерінің айғақтарымен, кешенді сот-психологиялық-психиатриялық сараптамалардың қорытындыларымен, сондай-ақ қылмыстық істің басқа да материалдарымен дәлелденді. Прокурор сотталушыны өмір бойына педагогикалық және кәмелетке толмағандармен жұмыс істеуге байланысты лауазымдарды атқару құқығынан айыра отырып, 10 жылға бас бостандығынан айыруды сұрады”, – деп мәлімдеді кәмелетке толмағандардың істері жөніндегі мамандандырылған сотының баспасөз қызметі. Кәмелетке толмағандардың ата-аналары да қатаң жаза қолдануды талап еткен. Сотталушының адвокаты қылмыс құрамының болмауына байланысты оны ақтауды сұрады. “Сот сотталушыны кінәлі деп танып, педагогтік және кәмелетке толмағандармен жұмыс істеуге байланысты лауазымдарды атқару құқығынан өмір бойына айыра отырып, 8 жылға бас бостандығынан айыру жазасын тағайындады. Ол жазасын жалпы режимдегі түзеу мекемесінде өтейтін болады. Сот үкімі заңды күшіне енген жоқ”, – деді Қарағанды ​​облысының кәмелетке толмағандардың істері жөніндегі мамандандырылған сотының баспасөз қызметі.