«Байтақ» жасылдар партиясының өкілдері елордада кездесу өткізді. Жиынға студент жастар мен экобелсенділер қатысты. Штаб мүшелері сайлау науқанының маңыздылығын айтып, саяси құрылымның негізгі тұғырнамасын түсіндірдіЖиынға қоршаған орта проблемаларын жиі көтеріп жүрген жастар қатысты. Олар қоғамда экологиялық мәдениет пен сауаттылықты қалыптастыру төңірегінде диалог құрды. Бір-бірімен тұрмыстық қалдықтарды жинау, сұрыптау және қоқыс полигондарының жұмысын ретке келтіру бойынша пікір алмасып, ұсыныстарымен бөлісті. Қазір елімізде 13 мыңнан астам қоқыс полигоны бар. Оның тек 500-ге жуығы ғана- стандартқа сай. Кездесу аясындағы үздік жобалар мен шешімдер болашақта партия жұмысының жоспарына енгізіледі. Мирас АББАСОВ, «БАЙТАҚ» ЖАСЫЛДАР ПАРТИЯСЫ АҚМОЛА ОБЛЫСТЫҚ ФИЛИАЛЫНЫҢ ТӨРАҒАСЫ: Жастардың белсенділігі қуантады. Олар халықты ауызсумен қамту, тіршілік нәрін үнемдеу және жануарларды қорғауға қатысты мәселелерге бей-жай қарап отырған жоқ. Тұрмыстық қалдықтарға қатысты да салмақты ой-пікірлері бар. Бір сөзбен айтқанда, жастар тарапынан ұтымды ұсыныстар көп.