«Байтақ» жасылдар партиясының өкілдері дәрігерлермен кездесті. Саяси ұйым төрағасы елордадағы әлеуметтік-медициналық мекеменің бірінде сайлауалды бағдарламаны таныстырып, сауалдарға жауап берді.Ақ халатты абзал жандар қоғамдағы түйткілді мәселелерді көтеріп, оларды шешу жолдары бойынша ұсыныстарын айтты. Аталған мекемеде 60-қа жуық маман жұмыс істейді. Жүздесу барысында партия белсенділері елде жүргізіліп жатқан саяси реформа төңірегінде ой бөлісіп, пікір алмасты. Үгіт-насихат жұмыстарының аяқталуына аз уақыт қалды. Кестеге сай іс-шаралар қыза түсті. Байтақтықтар 3 жарым мыңнан астам кездесу ұйымдастырды. Алдағы күндері республикалық штаб өкілдері оңтүстік өңірлерді аралауды жоспарлап отыр. Азаматхан ӘМІРТАЕВ, «БАЙТАҚ» ЖАСЫЛДАР ПАРТИЯСЫНЫҢ ТӨРАҒАСЫ: Үгіт-насихат жұмыстары жүріп жатыр. Республикалық штаб пен барлық аймақтағы штабтардың жұмысы бақылауда.Халықтың ынатсы сайлауға деген жоғары. Сайлаудан үлкен үміт күтіп отыр. Әділетті Қазақстанның алғышарттары орындалады деп осындай ынта, сенім бар.
Жаңалықтар
