«Байтақ» жасылдар партиясының өкілдері бүгін елордадағы ірі нысандардың бірі – екінші жылу энергия орталығына барды. Республикалық штабтың басшылығы мен саяси құрылым мүшелері еңбек ұжымымен кездесіп, сайлауалды тұғырнаманың басым бағыттарын түсіндірді.Жүздесу аясында жылу орталығын газдандыру, қоршаған орта, жасыл экономика, жұмысшыларды әлеуметтік қорғауға қатысты ұсыныстар айтылды. Елде жүргізіліп жатқан саяси және экономикалық реформа төңірегінде ой бөлісіп, пікір алмасты. Шаһарды жылумен қамтып отырған ең ірі екінші орталықта қазір мыңға жуық адам жұмыс істейді. Жиын барысында партия белсенділері Екібастұз жылу орталығының ұжымымен де онлайн кездесу ұйымдастырды. Уәлихан АСҚАРБЕКОВ, ЖЫЛУ ОРТАЛЫҒЫНЫҢ ҚЫЗМЕТ БАСШЫСЫ: Өздерінің сайлауалды бағдарламасын толық бізге жеткізді. Біз көкейімізде жүрген сұрақтарды қойдық. Көкейімізде жүрген сұрақтарға толық жауаптарды алдық. Бүгінгі кездесуіміз еркін, ашық өтті деп ойлаймын.