Берлиннің бұрынғы мэрі және Jn Отбасы істері жөніндегі федералдық министрі Франциска Гиффиге шабуыл жасалды,-деп хабарлайды KAZINFORM.Берлин кітапханасындағы шара кезінде белгісіз ер адам оның артынан келіп, ішіне қатты зат салынған сөмкемен ұрып жіберген. Саясаткер басы мен мойнынан жарақат алып, амбулаторлық ем алу үшін ауруханаға жатқызылды. Полиция шабуылдаушыны ұстады, ол 74 жастағы ер адам болып шықты. Жергілікті БАҚ-тың хабарлауынша, оның бойында «психикалық ауру белгілері» бар. Күдіктінің шабуылына не себеп болғаны анықталып жатыр. Ер адамның пәтерінде тінту жүргізілді. Шабуылдан кейін Ф.Гиффи оқиғаға қатысты түсініктеме берді. Ол болған жағдайға алаңдайтынын, сондай-ақ Германиядағы саяси белсенді және адал адамдарға шабуылдың жиілеп жатқанын айтты. Өткен аптада Еуропарламент депутаттығына жетекші кандидаттардың бірі социалист Маттиас Экке Дрезденде плакаттар ілу кезінде ауыр жарақат алды. Полиция тым оңшылдармен байланысы болуы мүмкін төрт жасөспірімді тергеп жатыр. Бұған дейін қалада «жасылдар» қозғалысының белсендісі соққыға жығылды, ал сейсенбіде партияның Ивонна Мослерге шабуыл жасалды.