Британдық физик Мелвин Вопсон адамдар мен қоршаған ортаның жасанды әлемде өмір сүретінін жеткізді. Ол бұл тұжырымдаманы өзінің жақында ашылған физика заңының имитацияланған ғалам гипотезасында жариялады. Бұл туралы Stan.kz ақпарат агенттігі Gazeta.Ru-ға сілтеме жасап хабарлайды.2022 жылы Вопсон организмдердегі генетикалық мутацияларды болжауға, сондай-ақ олардың ықтимал салдарын бағалауға мүмкіндік беретін ережені тұжырымдады. Бұл ереже термодинамиканың екінші заңына негізделген. Ол оқшауланған жүйедегі хаос өлшемі болып табылатын энтропия уақыт өте келе тек жоғарылауы немесе өзгеріссіз қалуы мүмкін екенін жеткізді. Алайда ақпараттық жүйелерде энтропия керісінше әрекет етеді."Қажетсіз ақпаратты алып тастайтын бұл тәсіл сақтау орнынын үнемдеп, қуатты тұтынуды оңтайландыру үшін компьютерлердің қажетсіз кодты жою немесе сығу процесін еске түсіреді. Нәтижесінде біз модельдеуде өмір сүріп жатырмыз деген идеяны қолдайды", - делінген Вопсонның зерттеуінде. Доктор Вопсонның алдыңғы зерттеулері ақпараттың әлемнің негізгі құрылыс материалы және физикалық массасы бар екенін көрсетеді. Ғалымның пікірінше, ақпарат ғаламның үштен бір бөлігін құрайтын қол жетпес қараңғы материя болуы мүмкін. Физик бұл қатынасты массаның, энергияның және ақпараттың эквиваленттік принципі деп атады.