Әлем түрлі-түсті болса да, ақ пен қараны ғана көретіндер бар. Түстерді бір-бірінен ажырата алмайтын дальтонизм дерті қаншалықты қауіпті? Оған шалдыққандар қалай өмір сүріп жатыр? Дәрібек Бахытбектің материалы.Парадокс. Ешқандай түсті ажырата алмайды, бірақ видеомонтаж жасаудың хас шебері. Шоқан Адай туғалы дальтонизм дертіне шалдыққан. Видео өңдеудің арқасында қазақ эстрада жұлдыздарының бейнебаяндарын түрлі-түске бояп, ажарын ашып, өз напақасын тауып жүр. Шоқан АДАЙ, ВИДЕО ӨҢДЕУШІ: Маған сары цвет керек бола ма? Сары цветтің коды болады имена FFF000 деп жазсаңыз сары цвет шығып береді. И сол арқылы үйреніп алуға болады. Мысалы мен көк цветті анық көргеніммен фиолетовый розывый цветтердің барлығы маған көк болып көрінеді. Просто оттеногі бойынша көктің темныйлауы болса значить мынау фиолетвый болу мүмкін деп көктің ашықтауы болса мынау розывый болуы мүмкін деп кішкене предплавить етіп ажыратамын. Шоқан секілді дертпен күресіп келе жатқандардың тағы бірі -Әлемгүл Тарихқызы. Бұл ауруға 40 -тан асқан шағында шалдыққан. Айтуынша, аурудың азабын көшедегі бағдаршамнан көріп жүрмін дейді. Әлемгүл ТАРИХҚЫЗЫ, ҚАЛА ТҰРҒЫНЫ: Далада келе жатқанда түстерді ажырата алмаймын. Цветофордан өтер кезде адамдармен бірге қосылып жүгіріп өтем. Түстерге көзім кішкене түстерін ажырата алмай кей кезде көздерім көрмей қалады. Дәрігергер бұл аурудың емі жоқ дейді. Айтуларынша, дертке шалдыққандардың дені -ер азаматтар. Айдана ЖОЛДАСОВА, ОФТАЛЬМОЛОГ ДӘРІГЕР: Түсті ажыратушылық бала кезден басталады ғой 3-4 жаста кішкентай балалар есі кіріп уже түстерді ажырата бастағанда ең негізі түсі көк, қызыл, жасыл, сары түстерден басталады. Яғни біз сол кезден анықтай аламыз. Дәрібек БАХЫТБЕК, ТІЛШІ: Дальтонизм ауруы тұқым қуалайды. Оның бірақ, ресми статистикасы жоқ. Дәрігерлердің айтуынша, бұл дертке байқаусызда бас жарақатын алғанда немесе қатерлі ісіктің салдарынан да шалдығу мүмкін. Сондықтан дер кезінде ауруды асқындырмай дәрігер қарауынан өтіп тұрған дұрыс дейді мамандар.