Қазақстанда ер адамдар әйелдерден көп айлық алады. Жалақы айырмашылығы – 33,7%. Бұл туралы Stan.kz ақпарат агенттігі Finprom сайтына сілтеме жасап хабарлайды.2022 жылы ерлер орта есеппен 355,3 мың теңге, әйелдер 265,8 мың теңге алған.Ал басқа аймақтарда ерлердің орташа жалақысы: Атырау (631,8 мың теңге); Маңғыстау (590,6 мың теңге); Ұлытау (489,1 мың теңге) облысы. Бұл аймақтарда ер мен әйел арасындағы жалақысы бойынша өте үлкен айырмашылық байқалды. "Маңғыстау облысында ерлердің айлығы әйелдердің жалақысынан екі есе, Атырауда 85,9%-ға, Ұлытауда 68%-ға артық", – деді сарапшылар. Жетісу облысы – әйелдердің айлығы ерлердікінен көп жалғыз өңір. Жамбыл, Алматы және Солтүстік Қазақстан облыстарында жалақыдағы айырмашылық аз. Мына өңірлерде әйелдердің орташа айлығы жоғары: Астана 365,1 мың тг; Атырау облысы (339,8 мың теңге); Алматы (320,1 мың теңге). Сарапшылардың айтуынша, тек білім беру саласындағы әйелдердің орташа айлық жалақысы ерлердікінен 4,8%-ға артық. Әйелдердікі 251,4 мың теңге болса, ерлердікі – 239,8 мың тг. "Тау-кен өндіру өнеркәсібі және карьерлерді қазу (535,8 мың теңге), қаржы және сақтандыру қызметі (460,2 мың теңге), Ақпарат және байланыс (403 мың теңге) салаларында әйелдер көп жалақы алады", – делінген зерттеуде.