Елімізде сәуір айында азық-түлікке жатпайтын тауарлардың бағасы 1,3%, азық-түлік тауарлары 0,9% қымбаттады, деп хабарлайды BAQ.KZ.Ұлттық статистика бюросының мәліметінше, ақылы қызметтер 0,4% өскен. Азық-түлікке жатпайтын тауарлардың ішінде дизель отыны (16,1%) мен бензин (9,7%) қатты қымбаттаған. Наурыз айымен салыстырғанда жуу және тазалау құралдары – 1,4%, жеке гигиена құралдары – 1,1%, ыдыс-аяқ – 1%, тұрмыстық техника 0,9% өсті. Азық-түлік тауарлары арасында жеміс пен көкөніс бағасы едәуір өскен. Сәуірде қырыққабат – 4,7%, қызанақ – 4,1%, жүзім – 3%, алма – 2,6%, алмұрт 2,4% қымбаттаған. Бағаның өсуі күрішке – 2,7%, салқындатылған сусындарға – 2,5%, рожкилерге, ультрапастерленген сүтке – әрқайсысы 2,4%-дан, салқындатылған балыққа – 2,2%, пастерленген сүт, макарон өнімдеріне – әрқайсысы 2,1%-дан байқалды. Бұл ретте қияр – 11,4%, қарақұмық жармасы – 3,7%, күнбағыс майы 2,6%-ға арзандады, - делінген мәліметте. Ал өңірлер арасында ең жоғары айлық инфляция Абай және Ұлытау облыстарында тіркелген – әрқайсысында 1,4%-дан. Ең төменгі өсім Астана қаласында тіркелді – 0,5%. Өңірлер бойынша азық-түлік тауарлары бағасының ең жоғары өсімі Батыс Қазақстан облысында – 1,8%, азық-түлікке жатпайтын тауарлар бойынша Алматы облысында – 3%, ақылы қызметтерде Түркістан облысында – 2,3%, - делінген мәліметте.