Елімізде МӘМС арқылы кімдер тісін тегін емдете алатыны белгілі болды

Міндетті әлеуметтік медициналық сақтандыру (МӘМС) бойынша стоматологиялық көмекке 34 миллиард теңге бағыттау жоспарланды. Бұл туралы Stan.kz ақпарат агенттігі хабарлайды.Қордың хабарлауынша, Қазақстан азаматтарының жекелеген санаттары үшін шұғыл және жоспарлы стоматологиялық көмекті қаржыландыру 6%, яғни былтырғы 32,1 миллиардтан 2024 жылы 34 миллиард теңгеге дейін өсті. МӘМС қаражаты есебінен тісін кім тегін емдей алады? Жоспарлы және шұғыл түрде 18 жасқа дейінгі балалар мен жүкті әйелдерге стоматологиялық көмек тегін көрсетіледі. Шұғыл тәртіппен тегін көмек алуға құқылы: ҰОС ардагерлері; 1, 2, 3 топтағы мүгедектігі барлар; АЕК алушылар; Зейнеткерлер; Жұқпалы, әлеуметтік маңызы бар аурулары бар және айналасындағыларға қауіп төндіретіндер; Ерекше қажеттілігі бар балаға күтім жасайтын және бала кезінен бірінші топтағы мүгедектігі бар адамға күтім жасайтын жұмыс істемейтін адам; "Алтын алқа", "Күміс алқа" иелері. Жоспарлы стоматологиялық көмекке не кіреді? Жоспарлы емге ауыз қуысы, тіс және қызыл иекке жасалатын хирургиялық ем кіреді. Атап айтқанда, тұрақты тексеру, профилактикалық процедуралар, кариесті емдеу, тіс өңезі мен тасты кетіру, басқа да профилактикалық және емдік шаралар, жұлу және пломбалау. Шұғыл стоматологиялық көмекке не кіреді? Шұғыл стоматологиялық көмек амбулаториялық деңгейде консультациялық-диагностикалық көмек түрінде де, стационарлық жағдайда да көрсетілуі мүмкін. Бұған күрделі кариес, пульпит, периодонтит, альвеолит, невралгия, неврит, стоматиттің өткір түрлерін емдеу, күрделі тісті жұлу, абсцессті ашу, одонтогенді етті алып тастау, жоғарғы-төменгі жақ буынды түзету, қатерлі емес өсінді мен эпулисті алып тастау кіреді. Еріннің, тілдің үзбесіне ота да МӘМС қаражаты есебінен жүргізіледі. Егер тексеру нәтижелері бойынша тіс дәрігері амбулаториялық жағдайда көмек көрсету мүмкін емес деген шешім қабылдаса, ол пациентке тегін емдеуге бас тартуға және оны жедел жәрдем арқылы ауруханаға жіберуге құқылы. "Халықтың 9%-ына ғана әсер етеді": Сарапшылар МӘМС жарнасын бес есе арттыру әлеуметтік ахуалға қалай әсер ететінін айтты МӘМС ортодонтиялық көмекпен қамтыла ма? Ортодонтиялық көмек жақ-бет аймағында туа біткен патологиясы бар балаларға, аз қамтылған отбасылардан шыққан 6 жастан 12 жасқа дейінгі балаларға "мемлекеттік атаулы әлеуметтік көмек туралы" заңына сәйкес көрсетіледі. Ортодонтиялық пластинаны пайдалана отырып, тіс-жақ ауытқуларын жою үшін аппараттың көмегімен емдейді. МӘМС қандай стоматологиялық клиникаларда жүзеге аспайды және емхананың учаскелік дәрігерінен жолдама қажет пе? Емханадан жолдама талап етілмейді. Стоматологиялық көмекті емханалар жанындағы стоматологиялық кабинеттен де, әлеуметтік медициналық сақтандыру қорымен шарт жасасқан жеке стоматологиялық клиникалардан да алуға болады. Тізімді fms.kz қордың ресми сайтынан табуға болады. Сондай-ақ 1414 нөмірі бойынша бірыңғай байланыс орталығына хабарласыңыздар. "1 ақпандағы жағдай бойынша МӘМС шеңберінде стоматологиялық көмек көрсететін 838 медициналық ұйыммен шарттар жасалды. Оның ішінде 519 жекеменшік, 319мемлекеттік меншік нысаны бар", – деп атап өтті қор. Егер рентген түсірілім қажет болса, тістерді емдеуден бұрын дәрілік аллергияны немесе анестезияны болдырмау үшін аллергиялық сынақ жасасаңыз да, оны МӘМС төлейді. Тіс дәрігерінен консультативтік парақ болған жағдайда тіркелген жері бойынша учаскелік дәрігер қосымша тексерулерге жолдама бере алады. МӘМС шеңберінде аппликациялық, өткізгіштік, инфильтративті анестезия төленеді.