Елімізде шаштараз ақысы бір жылда 2,5 есе өскен. Бірақ, оған ешкім қарап жатқан жоқ. Биылдың өзінде 19 млрд теңгеге қызмет көрсетілген. Тілшіміз Дәрібек Бахытбектің бейнематериалы. Дәрібек БАХЫТБЕК, ТІЛШІ:Бала кезімізде біздің шашымызды үйдее ағамыз алып беретін. Шаштаразға бару дегенді білген жоқпыз. Ал қазір бәрі басқаша. Еңбектеген сәбидің өзін салонға апарады. Тіпті арнайы сән үлгісін таңдайді. Оның бағасы әрине, арзан емес... Медет Құдіретұлы 5 жылдан бері шаш қиып, напақасын тауып жүр. Айтуынша келушілердің қатары тым көп. Дені -жастар. Тіпті, бір апта бұрын жазылып қоятындар бар көрінеді. Медет ҚҰДІРЕТҰЛЫ, БАРБЕР Көбінесе жастар модельный дейді, цезарь дейді, нөлден переход дейді сондай үлгілер. Күніне жалпы 15-10 адам арасында аламыз. Бір адамның шашына 1 сағат 40 минут уақыт бөлінеді. Жалпы біз шаш алып ғана қоймай, беттеріне маскасын жасап береміз. Қызмет ақысы әр өңірде әртүрлі. Республика бойынша ерлердің шаш қиюының орташа бағасы -3 645 теңге. Көш басында Алматы тұр. Содан кейін Астана, Шымкент. Ал, ең арзан баға Оралда. Бағадан бұрын адамдардағы талғам да түр-түрлі. Мәселен біреу апта сайын шаш қияды, біреуге қымбат қызмет ұнайды. Енді бірі ақша үнемдеп айына бір барады. БЛИЦ-САУАЛНАМА:- Жиі барып тұрамын негізі. Айына емес, аптасына барам. 3 мың, 4 мың, 5 мың. Өзімізге ғой енді барлығы шашымызды қараған. - 1500 пойдет. Өйткені прическам жоқ. Проста алып тастайды болды. "Шаш қиып - адам кейпіме келдім" деп қалжыңдаушы едік қой арасында. Қысы-жазы үрпимей жинақы жүрсек несі жаман!?.