Соңғы кезде электр қуаты туралы түбіртектегі көрсеткішке қатысты тұрғындардың шағымы көбейді. Күтпеген жерден негізсіз үлкен соманы көріп, көпшілік аң-таң. Кейбіреулер үшін әдеттегі шот тіпті 2-3 есе өскен. Бұл неден туындады? Мәселенің мән-жайын тілшіміз Мерей Қалиасқар анықтады.Елордадағы электр желілік компания іші ығы-жығы. Тұрғындар түбіртекке телміре қарап, есепшоттағы естен таңдырар сандарға қатысты сауал қоюға келді. БЛИЦ-САУАЛНАМА: - 3 жарым мың төлейтінмін. 7800 келді. Ноябрь айында 200 квт көп шығып кетті. - Ай сайын мен 2 жарым төлейтінмін. Өткен айда 3700 шықты. Даудың басы – екі кәсіпорынның деректері екі түрлі болуы. Яғни «Астанаэнергосбыт» ЖШС тұтынушылардың есептеу құралындағы көрсеткішті шартты түрде есепке алып келген. Таяуда бұл жұмыс әкімдікке қарасты «Астана-АЭК»-ке ауысып, есептеу құралындағы көрсеткіштер нақты жағдай бойынша есептелді. Ғабидолла ҚОЖАБАЕВ, «АСТАНА-АЭК» АҚ БАСҚАРМА ТӨРАҒАСЫНЫҢ ОРЫНБАСАРЫ: Сбойлар болды. 320 мың есепшоттардың ішінде тек қана 5, 6 мың лицевой счеттарға сондай жағдай болды. Әріптестеріміз «Астанаэнергосбытпен» бірге отырып, орнына қойдық бәрін, ол қателерді шештік. Декабрьде ондай уже қайталанбады. 2-3 реттен тексеріп шықтық. Айырмашылықтар талданып, кейін артық төленіп кеткен сома алдағы айдың төлемдеріне аударылады. 1-2 айда жағдай толықтай тұрақталады. Қала тұрғындары электр қуаты дұрыс есептелмесе, Астана аймақтық электр желілік компаниясына өз дербес шотын көрсетіп, өтініш жазуы тиіс. Ал ағымдағы тарифті «Астанаэнергосбыт» жекеменшік ұйымынан анықтап алған жөн дейді мамандар. М. Қалиасқар
Жаңалықтар
