Футболдан Қазақстан құрамасының 2024 жылғы Еуропа чемпионатының іріктеу сатысындағы алдағы ойынына қатысатын кеңейтілген құрамы жарияланды.Қазақстандық футболшылар H тобында сынға түседі. Қарсыластары - Дания, Словения, Финляндия, Солтүстік Ирландия, Сан-Марино құрамалары. Ел құрамасы 23 наурызда елордада Словения және 26 наурызда Дания құрамаларымен кездеседі. Кеңейтілген тізімге барлығы 32 ойыншы шақырылған. Олардың қатарында Ресейдің «Зенит» командасының қорғаушысы Нұралы Әліп, мәскеулік ЦСКА-ның жартылай қорғаушысы Бахтиер Зайнутдинов, Бельгияның «Моленбек» клубының қорғаушысы Ян Вороговский бар. Қазақстан құрамасының кеңейтілген тізімі мынадай: Қақпашылар: Игорь Шацкий («Шахтер»), Бекхан Шайзада («Ордабасы»), Данил Устименко («Қайрат»), Стас Покатилов («Ақтөбе»); Қорғаушылар: Сергей Малый, Темірлан Ерланов, Ғафуржан Сүйімбаев (барлығы – «Ордабасы»), Александр Марочкин, Бағдат Қайыров (екеуі – «Тобыл»), Нұралы Әліп («Зенит», Ресей), Абзал Бейсебеков, Михаил Габышев, Тимур Досмағамбетов (барлығы – «Астана»), Талғат Көсепов («Каспий»), Марат Быстров («Ахмат», Ресей), Ян Вороговский («Моленбек», Бельгия), Лев Скворцов («Химки», Ресей); Жартылай қорғаушылар: Асхат Тағыберген, Бауыржан Исламхан, Эльхан Астанов (барлығы – «Ордабасы»), Бахтиер Зайнутдинов (ЦСКА, Ресей), Рамазан Оразов («Ақсу»), Исламбек Қуат, Аслан Дарабаев (екеуі – «Астана»), Максим Самородов, Арман Кенесов (екеуі – «Ақтөбе»), Ислам Чесноков («Тобыл»); Шабуылшылар: Абат Айымбетов, Владислав Прокопенко («Астана»), Артур Шушеначев («Қайрат»), Абылайхан Жұмабек («Ақтөбе»), Айбар Жақсылықов («Ордабасы»); Еске салсақ, биыл футболшы Бауыржан Исламхан «Ордабасы» клубында ойнайды.