Бангкоктағы ФИФА-ның кезекті конгресінде Израильді әлемдік жарыстардан шеттету мәселесі талқыланады. Бұл туралы Azattyq Ruhy агенттігі Dailysports сайтына сілтеме жасап хабарлайды.Бұған Палестина футбол қауымдастығы (PFA) бастамашы болды. Олардың шағымына өткен жылдың 7 қазанындағы ХАМАС шабуылынан кейін Израильдің Палестинаға қарсы әрекеті себеп болып отыр.«ФИФА осыған дейінгі жағдайлар секілді жылдам әрекет етуі үшін Палестина футболы қаншалықты зардап шегуі керек?» - деді PFA президенті Джибриль Раджуб.PFA қарарын Алжир, Ирак, Иордания, Сирия және Йемен футбол федерациялары қолдады.«Біз Палестина қауымдастығының Израиль футболына зиян тигізу үшін дөрекі саяси және дұшпандық әрекетімен бетпе-бет келіп отырмыз», - деді Израиль футбол қауымдастығының президенті Шино Моше Зуарес PFA әрекетіне.Айта кетейік, Израиль құрамасы УЕФА-ға бағынады. Еуропа чемпионатына іріктеу кезеңінде ол плей-офф кезеңіне шығып, жартылай финалда Исландиядан жеңіліп қалған.
Жаңалықтар
