Жақында IFAB голкипердің допқа иелік ету уақыт хаттамасын әзірледіХалықаралық футбол қауымдастығының кеңесі (IFAB) футбол матчы кезінде қақпашы уақытты созған жағдайда бұрыштама добы немесе аут берілуі мүмкін екенін хабарлады.Бұл ұйым футбол ойынының ережелерін реттеумен айналысады. Жақында ұйым қақпашылардың допқа иелік ету уақыт хаттамасын әзірледі.Осыған байланысты алдағы уақытта қақпашы ұзақ уақыт бойы допты ұстап тұрса, қарсылас командаға бұрыштамадан доп беру немесе допты ауттан тастау мүмкіндігі берілуі мүмкін.IFAB ұсынылған ереже өзгерістерін төрешілердің қазіргі ережені сақтамауымен түсіндіріп отыр. Егер қақпашы допты 6 секундтан астам ұстаса, пенальти белгіленуі керек.Жаңа ережеге сәйкес, бұл уақытты 8 секундқа дейін арттыру ұсынылады. Бұл уақытты төреші қақпашы допты қабылдаған сәттен бастап санай бастайды. Допты бұрыштан немесе ауттан лақтыру қақпашыға ең жақын қанаттан орындалады. ESPN-нің хабарлауынша, жаңа ереже 2024-2025 маусымда сынақтан өтеді. IFAB өзгерістерді 2025 жылдың соңында талқылайды. Егер сынақтар сәтті өтсе, жаңа ереже 2026-2027 маусымынан бастап барлық жарыстарға енгізілуі мүмкін.