Желіде ақ жаулықты әженің видеосы тарап, көпті сүйсінтті. Желідегі мәліметке сүйенсек, оның жасы жүзге таяған. Ол видеоға түсіп, бір образдан екінші образға ауысады. Сәнді киіммен шыққан әжеге желі қолданушылар тамсанды.«Түсіріп болғанша біраз күлдік. Бәрімізге әжеміздің жасын берсін. Әженің арманы – телеарнаға шығу. Жастарға айтары бар. Қолдап, таратып жіберіңіздер», – деп жазды видео авторы. «Шалдардың бәрі ғашық болатын әже ғой бұл», «Осындай әже болу бұйырсын», «Не кисе де жарасады», – деп жазды желідегілер.