Миллиардер Илон Маск X әлеуметтік желісінде оның иелігіндегі Starlink ғарыш компаниясы Газа секторында орналасқан халықаралық ұйымдардың Жер серіктеріне қосылуына мүмкіндік беретінін жазды. Астана телеарнасы бұл туралы ВВС-ге сілтеме жасап хабарлайды. Израиль армиясының операциясы кезінде Газа секторында байланыс үзілген. «Шекарасыз дәрігерлер» және Қызыл Крест ұйымының өкілдері Газада жұмыс істейтін дәрігерлерімен хабарласа алмай қалғанын жеткізді. Электр қуаты болмай қалғаннан кейін ауруханалармен де байланысқа шығу мүмкін болмай қалған. Осының аясында X қолданушылары Масктан Газа секторындағы адамдарға Starlink-ке қолжетімділікті ашуын өтініп, хабарламаларын #starlinkforgaza хэштегтерімен жариялады. Газадағы халықаралық ұйымдардың Starlink-ке қаншалықты жылдам қосылатыны белгісіз, өйткені ол үшін арнайы жабдық қажет. Палестинаның телекоммуникация және ақпараттық технологиялар министрі Исхак Сидр Газа секторында Starlink желісіне қосылу мәселесі бойынша халықаралық ұйымдармен келісіп жатқанын мәлімдеді.
Жаңалықтар
