Индонезияда суматрандық орангутан дәрілік өсімдіктің көмегімен бетіндегі үлкен жараны емдей алды, дейді ғалымдар. Зерттеушілер табиғатта жануарлардың өзін-өзі емдеудің бұл әдісін бірінші рет тіркеді, деп хабарлайды Қазақпарат.Индонезиядағы Гунунг-Лойзер ұлттық саябағының зерттеушілері 2022 жылдың маусымында бетінде үлкен жара бар Ракус атты орангутанды байқады.Олар оны басқа еркек орангутандармен шайқас кезінде жараланған деп санайды.Содан кейін ғалымдар тобы Ракустың безгек пен қант диабетін емдеу үшін жергілікті жерде қолданылатын қабынуға және бактерияға қарсы Akar Kuning деп аталатын өсімдіктің сабағы мен жапырақтарын шайнап жатқанын байқады.Ол сұйықтықты жеті минут бойы бетіне қайта-қайта жақты.Содан кейін Ракус жапырақтарды шайнап, алынған қоспаны жараның бетіне жақты.Ол осы өсімдікпен жарты сағат бойы қоректеніп отырды.Ғалымдар маймылдардың емдік шөптің бұл түрін шайнап жүргенін бұрын да байқаған, бірақ жануарлардың жараға мұндай компресті қолданғанын алғаш рет көрді.Қоспа мен жапырақтар әсер еткендей болды – зерттеушілер инфекция белгілерін байқаған жоқ, ал бес күннен кейін жара толығымен жазылды.Бір айдан кейін Ракус толық қалпына келді.Ғалымдар Ракус емдік жапырақтарды қолданатынын біледі деген қорытындыға келді, өйткені орангутандар бұл өсімдікті сирек жейді.Тағы бір дәлел процедураның ұзақтығы болды.«Ол қоспаны бірнеше рет жақты, кейін өсімдіктің қалың қоспасын қолданды. Бүкіл процесс ұзаққа созылды, сондықтан ол бұл құралды әдейі қолданған деп есептейміз», - деп түсіндірді доктор Лаумер.Зерттеушілер сонымен қатар Ракустың әдеттегіден әлдеқайда ұзағырақ – жарты күннен артық демалғанын байқады, бұл оның жарақатынан айығуға тырысқанын танытып отыр.
Жабайы табиғатта алғаш рет маймыл емдік шөптің көмегімен өз-өзін емдеп жазды
Жаңалықтар
