Жалпыұлттық социал-демократиялық партиясы үгіт-насихат жұмысын Павлодар облысында жалғастырды. Олар бүгін Екібастұздағы «Бірінші мемлекеттік аймақтық электр станциясының» еңбек ұжымымен кездесті.Саяси ұйым мүшелері сайлауалды бағдарламасын таныстырып, партияның негізгі ұстанымын түсіндірді. Жиында мекеме еңбеккерлері өздерін алаңдатқан мәселелерді талқыға салды. Өз ұсыныс-пікірлерімен бөлісті. Алаңдатқан сұрақтарын қойды. Бірлестік мүшелері әрбір сауалға жауап берді. Жалпы Павлодар облыстық штабының белсенділері бүгінге дейін 30-ға жуық үгіт жұмыстарын жүргізді. Сайлауалды бағдарламаларының негізгі тетіктерін түсіндіруде. Ажар САҒАНДЫҚОВА, ПАВЛОДАР ОБЛЫСТЫҚ ШТАБЫНЫҢ БАСШЫСЫ: Облысқа қарасты бірнеше қала мен аудан бар. Біз олардың барлығын қамтуға тырысып жатырмыз. Кенжекөл, Ленинский секілді елді мекендердегі халықпен кездесу ұйымдастырдық. Бүгінгі күні Екібастұз қаласындағы бірқатар мекеменің еңбек ұжымымен кездесулер ұйымдастырудамыз. Мұнда Баянауыл мен Железинский аудандарына ат басын бұруды жоспарлап отырмыз.