Жаңаөзенде кең көлемде жүгіру марафоны өтті. Оған 200-ге жуық қала тұрғыны қатысты. Жүлде қоры 1 миллион теңгені құрады.Марафонды Маңғыстау облыстық дене шынықтыру және спорт басқармасы мен демеушілер және еліміздің танымал спортшысы, Гиннес рекордтар кітабына енген Сергей Цирульниковтың қолдауымен «100 ауыл» жобасы аясында ұйымдастырылды. Басты мақсат – халықты спортқа баулып, салауатты өмір салтын насихаттау. Марафонға 200-ге жуық жаңаөзендік қатысты. Қашықтық 10 шақырымға созылды. Әйгерім ҚҰЛАТАЕВА, МАРАФОН ЖЕҢІМПАЗЫ:Жүгіру менің хобиім. Жұмыстан кейін шаршағанымды басу үшін жүгіремін. Әйелдер арасында бірінші болып келдім. Жаттыққан жоқпын. Күнделікті тренировка сияқты жүгірдім. Мен көптен бері жүгіріп келемін, сондықтан еш ойланбастан қатысуға жазылдым. Мен уайымдадым деп айта алмаймын, мен марафонды кезекті жүгіру ретінде қарастырдым. Жүгіру - жұмыс күнінен кейін стрессті жеңілдетудің тамаша тәсілі, сонымен қатар дене денсаулығы мен сыртқы келбеті үшін тамаша спорт түрі. Сергей Цирульниковтың айтуынша, марафон бастамасы Мемлекет басшысының қолдауына ие болған «100 ауыл» жобасынан шыққан. Дегенмен жоба бастапқы жоспарын асыра орындап, бүгінде 121 ауыл спорттық құрал-жабдықтармен қамтамасыз етілген. Сондықтан 100 ауыл жобасы 1000 ауылға ағылады, дейді спортшы. Сергей ЦИРУЛЬНИКОВ, РЕКОРДШЫ:Мен өзім де ауылдық округтенмін, ауылдағы бар қиыншылықтарды, қандай мәселелер барын білемін. Мысалы, мен оқып жүргенде бүкіл ауыл үшін бір ғана доп болатын, бізде спортпен айналысуға мүмкіндік болмады. Бұл жоба үлкен емес, бірақ бұл өте жақсы үлес, біріншіден, құрал-жабдықтармен, материалдық көмекпен, екіншіден, балаларды ынталандыру, балалармен қарым-қатынас жасау, бұл олардың болашағына үлкен үлес, сондықтан жұмыс болуы керек. тұрақты түрде жүзеге асырылады. Ерлер арасындағы марафон қорытындысы бойынша Амантай Қасым шашасына шаң жұқтырмаса, қыздар арасында Әйгерім Құлатаева мәре сызығын бірінші кесті. Жеңімпаздар ақшалай сыйлықтармен марапатталды.
Жаңалықтар
