Алматы облысында полицей өлі табылды, - деп хабарлайды Massaget.kz тілшісі облыстық Полиция департаментінің баспасөз қызметіне сілтеме жасап. Алматы облысының полициясы өз-өзіне қол жұмсау дерегі бойынша мұқият тергеуді бастады.Балқаш ауданының полициясына аурухана фельдшерінен аудан орталығы пәтерлерінің бірінде 31 жастағы полиция қызметкерінің өз-өзіне қол жұмсағаны туралы хабарлама түскен. Бұл дерек ҚР ҚК 105-бабының 1-бөлігі (суицидке дейін жеткізу) бойынша дереу тіркелді.Қайтыс болған азаматтың отбасылық қатынастарда жеке проблемалары болғанын, бұл да қылмыстық істі тергеу шеңберінде тексерілетін айта кеткен жөн.Қазіргі уақытта істің барлық мән-жайларын толық, жан-жақты және объективті тергеуді қамтамасыз ету үшін сараптамалық тексерулер тағайындаумен барлық қажетті тергеу әрекеттері жүргізіліп жатыр.Тергеу барысын облыстық полиция бастығы бақылауға алды. ҚР ҚК 201-бабы шеңберіндегі өзге ақпарат жария етуге жатпайды.
Жаңалықтар
