Густав Климттің "Желпуіш ұстаған әйел" картинасы аукционда 86 092 340 еуроға сатылып, Еуропада сатылған ең қымбат картина ретінде жаңа рекорд орнатты, деп хабарлайды Zakon.kz."Euronews" сайтының жазуынша, ұсыныстар бірінен соң бірі түсіп, аукцион қыза түскен. Соңғы 29 жылда картина бір отбасының қолында болған. "Желпуіш ұстаған әйел" Климттің ең жақсы туындыларының бірі болып саналады әрі суретші мансабындағы соңғы портреті болуы керек. Ол оны 1917-1918 жылдары, 55 жасында қайтыс боларынан бір ай бұрын салған. Бұған дейін Еуропадағы аукциондағы ең қымбат бағаланған өнер туындысы 65 миллион фунт стерлингке (76 миллион еуро) сатылған Альберто Джакометтидің "Адымдап бара жатқан адам I" қола мүсіні болды.