Өлшемдері 50 миллиметрге жететін бұл кішкентай тіршілік иелері бүкіл әлемде таралған, тек олар Антарктидада және материктен өте алыс орналасқан бірнеше аралдарда ғана жоқ,-деп хабарлайды Massaget.kz.Биологтар құмырсқалардың 14 000 түрі бар екенін айтады. 2022 жылы ғалымдар Жер бетіндегі құмырсқалардың жалпы саны 20 квадриллион деп хабарлады. Бұл шын мәнінде таңғаларлық факт. Бірақ ғалымдар оларды қалай санай алды деген сұрақ туындайды.Дүние жүзіндегі құмырсқалардың жалпы саныЖер бетінде 20 квадриллион құмырсқа бар. Бұл зерттеудің нәтижелері Proceedings of National Academy of Sciences журналында жарияланған. Құмырсқалардың көпшілігі жабайы табиғатта өмір сүреді, бірақ адамдармен тіл табысатындары бар.Ғалымдар сонымен қатар әлемдегі барлық құмырсқалардың салмағы 12 мегатонна екенін есептеді. Бұл адамзаттың жалпы биомассасының 20% құрайды. Ал егер сіз құмырсқаларды және жердегі барлық басқа жәндіктерді алсаңыз, олар адамдардан ауыр болар еді. Әлемде әр адамға шамамен 2,5 миллион құмырсқадан келеді.Шын мәнінде, әлемде құмырсқалардың саны одан да көп болуы мүмкін. Ғалымдар өздерінің ғылыми жұмыстарының бөлігі ретінде Азия мен Африканың кейбір аймақтары туралы деректерді есепке алмағанын айтады. Мүмкін бұл ақпарат бір күні ескеріліп, зерттеушілер әлемдегі құмырсқалардың нақты санын атайтын шығар.Ғалымдар құмырсқаларды қалай санайды?20 квадриллион құмырсқалардың нақты саны емес. Ғалымдар бұл санға авторлары жердің әртүрлі бөліктеріндегі құмырсқалардың санын есептеуге тырысқан 489 зерттеудің нәтижелерін талдау арқылы келді. Айта кету керек, бұл жәндіктер біздің планетада біркелкі емес таралған. Олардың көпшілігі тропикалық елдерде кездеседі және ең ерекше түрлердің өкілдері сонда тұрады. Мысалы, Аустралияның Тасмания аралында әлемдегі ең қауіпті құмырсқалардың бірі - бульдог құмырсқасы өмір сүреді, олардың шағуынан жыл сайын өрмекшілер, жыландар және акулалардан гөрі көп адам қаза табады.Құмырсқалардың пайдасы мен зияны қандай?Құмырсқалар өте көп және олар табиғатта өте маңызды рөл атқарады. Біріншіден, олар топырақты қопсытады және тыңайтады, соның арқасында біз де тамақ жейміз. Олар сондай-ақ өсімдік тұқымдарын таратып, планетамызды табиғатына оң пайдасын тигізеді.Дегенмен, кейбір жағдайларда құмырсқалар зиянын да тигізеді: олар дәнді дақылдардың тамырларын кеміреді, арамшөптердің таралуына ықпал етеді және адам үшін қауіпті инфекциялардың тасымалдаушысы болуы мүмкін.
Жаңалықтар
