Жалпыұлттық социал-демократиялық партиясының сайлауға дайындығы күшейді. Кандидаттар әлеуметтік желідегі ресми парақшаларында белсенділік танытуда.Жалпыұлттық социал-демократиялық партиясының республикалық штабының жұмысы қарқынды. Саяси ұйым мүшелері үгіт-насихат шарадарын жалғастыруда. Олар бүгінге дейін түрлі саладағы еңбек ұжымдарымен, аймақтардағы сайлаушылармен 300-ден астам кездесу ұйымдастырды. Саяси ұйым төрағасы Асхат Рахымжановтың айтуынша, өзекті әрі негізгі деген ұсыныс пен сұрақтар назарға алынып, алдағы уақытта ескеріледі. Депутаттыққа үміткерлер инстаграм әлеуметтік желісінде тікелей эфирге қосылып, сайлауалды бағдарламасын түсіндіріп, тұрғындардың жолдаған сауалдарына жауап берді. Бұл ретте саяси бірлестікке көмек көрсетіп жүрген мыңнан астам волонтерді атап өткен жөн. Олар штаб өкілдерімен бірлесе, халықтың көп шоғырланатын орындарда үгіт парақшаларын таратып, плакаттар ілумен айналысуда. Айта кету керек, партия атынан Мәжіліске 19 кандидат ұсынылған.