Жыл басынан бері тұрғын үй секторында өрт көбейген. 200-ден астам адам қаза тауып, 193 тұрғынды күйік шалды. Әсіресе, Шымкент қаласы мен Жамбыл, Ақтөбе, және Қарағанды облыстарында зардап шеккендер жетерлік. Сырым ШӘРІПХАНОВ, ҚР ТӨТЕНШЕ ЖАҒДАЙЛАР МИНИСТРІ: Зерттеулер көрсеткендей, өрт басталған уақытынан 5-6 минуттан кейін адам өлімі келеді. Сол себепті өрт туындаған кезде азаматтарға көмек көрсету уақытын қысқарту үшін, кезекші-диспетчерлік қызметтердің жұмыс орындарын автоматтандыру қарастырылып отыр.Елімізде газ баллондарының жарылу жағдайы да жиілеген. Биыл осындай 72 оқыс оқиға болыпты. Салдарынан 119 адам зардап шегіп, 17 адам қаза тапқан. Премьер-министр осы салаға байланысты әкімдіктерге бақылауды күшейтуді тапсырды. Әлихан СМАЙЫЛОВ, ҚР ПРЕМЬЕР-МИНИСТРІ: Олар әлі күнге дейін жұмысты тиісті деңгейде ұйымдастыра алмай отыр. Бұл салада білікті мамандар мен қажетті жабдықтар жетіспейді. Осыған байланысты, өңір әкімдіктері газ-техникалық инспекциялардың өкілеттіктерін кеңейту және оларды қамтамасыз ету бойынша жұмыс жүргізуі қажет. Төтенше жағдайлар министрлігі Азаматтық қорғау академиясының базасында осы салаға арналған кадрларды даярлау деңгейін арттыру жөнінде шаралар қабылдауы керек.
"Жылу маусымы басталмай жатып жеке үйлерде өрттен қаза тапқандар бар", – Ә.Смайылов
Жаңалықтар
