Әлемнің бірнеше елінде алапат өрт болып жатыр. Канадада орман өрті дес бермей жатыр,-деп хабарлайды Қазақстан Телеарнасы. Жыл басынан бері тілсіз жаудан 46 мың шаршы шақырым аумақ күлге айналған. Қызыл жалынды бақылауға алуға ыстық, құрғақ ауа-райы мен күшті жел кедергі келтіріп жатыр. 2 мыңнан аса өрт ошағы тіркелген. 3 мыңдай адам қауіпсіз жерге көшірілді.Билік орман өрті жаз бойы жалғасуы мүмкін екенін ескертті. Канадаға жалынмен күресуге Франция, Португалия, Испания, Австралия өз құтқарушыларын жіберген. АҚШ-та жүздеген өрт сөндіруші жіберіп, алдағы күндері қосымша көмек беретінін мәлімдеді.Канададағы өрттен шыққан түтін АҚШ-тың бірнеше қаласына жетті. Филадельфияда ауа сапасы қатты нашарлап кеткен. Жергілікті әкімшілік мұндай ахуал бірнеше күнге жалғасуы екенін ескертті.