Танымал ғалым, Абайтанушы Омар Жәлел жігіттерге кеңес берді, - деп хабарлайды Massaget.kz тілшісі.Бұл туралы ол "Интеллигентно қу" жобасында бөлісті. "Жақсы әйел алмаған еркек байымайды. Мен 10 есе баймын. Анадолы түріктері "Еркек - сел, қатын - көл" дейді. Таудан аққан сел сияқты қанша мал тапса да, қатыны болмаса, сол су жиналатын көлі болмаса, оның бәрі ағып кетеді. Ер адамның баюуы әйелге байланысты. Қысқасы, жақсы әйел алмай, қанша тыртыңдасаң да байымайсың", - деді Омар Жәлел.Оның айтуынша, ең үлкен билік - өнер. Сондай-ақ, ол Желіде тараған биіне тоқталды. "Құдаймен қашан байланысамыз? Дүниені ұмытқан кезде, ал біз дүниені ұмыта алмаймыз ғой. Тек билеген кезде, сурет салғанда, музыка шығарғанда, кітап жазғанда дүниені ұмытады. Ақпаратты Құдайдан ала бастайды. Тойға келіп томсарып, екі бұттың арасына қарап отқанша, билеген дұрыс емес пе? Топ жарып билей алмаған адам, жау келгенде ел шетіне де шыға алмайды ғой. Би - денені игеру, дененіңді игеру үшін ақылды болу керек. Өмірдің - өзі музыка, адам өзінің денесімен Құдайдың музыкасын қайталайды. Менің биім арам терді шығарады. Бүкіл әлем адардары неге билейді? Денсаулығы үшін. Бізде біреу билесе, "қара анау жынданыпты" дейміз. Көп адам менің биімді көріп, құлдық санадан босады", - дейді ғалым. Оның айтуынша, ол Желіде тараған биін Ыстықкөлде билеген. "Мен - Сюцай дегеннен жаттықтырушымын. Оқып болғандар диплом алады, кешкі ас болады, сол кезде биледім. Менің бір биімді көтере алмай қалдыңдар ма?" - деді ол.
"Қанша тыртыңдасаң да, жақсы әйел алмай, байымайсың". Омар Жәлел жігіттерге кеңес берді
Жаңалықтар
