"Қара бүркіт" түрмесінде отырған ер адам үйленген. Бұл туралы Stan.kz ақпарат агенттігі Polisia.kz сайтына сілтеме жасап хабарлайды.Ерекше режимдегі колонияда жазасын өтеп жатқан сотталушы өз махаббатын тапты. Олар газет хабарландырулары арқылы танысып, хат алмасқан. “Біраз уақыт сөйлестік, содан кейін оны жоғалтқым келмегендіктен, оған үйлену туралы шешім қабылдадым”, – дейді сотталған Д. Некені тіркеу № 39 мекеменің қабырғасында өтті. Ер адам қарақшылық үшін жазасын өтеуде. Мекеме психологтарының пікірінше, бұл жаңалық сотталушыға оң әсер етеді. Өйткені отбасын құру – оның түзелуіне жасалған маңызды қадамдардың бірі.