Қара Ертіске бекіре оралды

Шығыс Қазақстан облысының әкімі Ермек Көшербаев пен «Оst Fish» ЖШС басшылығы арасындағы кездесуде Зайсан-Ертіс бассейніне бекіре балығын жіберу туралы ұсыныс айтылған. Ол ұсыныс дереу іске асып, Қара Ертіске әлдеқашан жойылып кеткен Сібір бекіресі жіберілді.Жергілікті халық үшін де, Зайсан көлі мен Қара Ертіс өзенінің экожүйесі үшін де маңызы зор іс-шараға Шығысқа жұмыс сапарымен келген экология министрі Ерлан Нысанбаев қатысты.Айта кетейік, бұл жұмысты облысымыздағы бекіре балығының уылдырығын және етін өндірумен айналысатын іргелі кәсіпорындардың бірі «Ost Fish» ЖШС қолға алған.Аталған кәсіпорынның бас директоры Ерлан Сағидолдин экология министріне бекіре тұқымдас балықтарды өсірудің ерекшеліктері, оларды қорғау, жергілікті экожүйені сақтау және басқа да мәселелер жөнінде баян етті.– Бүгінде біз бекіренің үш түрін өсіреміз. Оның ішінде Сібір бекіресі де бар. Биылғы көктемде кәсіпорнымызда технологияны жаңарту жұмыстары жүргізілген. Соның нәтижесінде жылына 500 мыңға жуық шабақ алуға болатындай инфрақұрылым құрылды. Енді шабақтарымызды Абай, Павлодар және Шығыс Қазақстан облыстарының су айдындарына жіберуді жоспарлап отырмыз, – деп мәлім етті кәсіпорын басшысы.Оның айтуынша, бүгін Марқакөл мен Зайсан аудандарын бөліп жатқан Қара Ертіс өзеніне Сібір бекіресінің бір жасар 500 дарағы жіберілді. Балықтардың әрқайсының салмағы 1,5 келіге дейін тартады. Демек оларға бұл суларды мекен ететін жыртқыш балықтардан келер қауіп жоқ.Көппен бірге Сібір бекіресінің тарихи мекеніне оралуына куә болған экология министрі Ерлан Нысанбаев бұл өте құптарлық бастама екенін айтты. Себебі, Сібір бекіресі Зайсан мен Ертісті ежелден мекендеген. Алайда өткен ғасырдың 50-60 жылдарындағы су электр стансаларының салынуы әдетте Сібір мен Алтай арасында өрлеп-құлдап жүретін балықтардың жоғары өрістеуіне тосқауыл болған. Енді міне, бұл проблема да шешімін тапқандай.– Сібір бекіресін Зайсан бассейніне, Қара Ертіске жерсіндіруді көздеп, бұл бағытта батыл әрекет еткен азаматтарға алғыстан басқа айтарым жоқ. Еңбектеріне тек сәттілік тілеймін. Министрлік тарапынан бұл бастамаға үн қосып, қолдау білдіруге даярмыз. Бұл бағыттағы жұмыстар алдағы уақытта жалғасын табатын болады, – деген ведомство басшысы қазір балық өсіремін дегендерге мемлекет тарапынан жан-жақты қолдау бар екенін жеткізді.

Читать источник astanatv.kz/kz/
Биылғы Ұлттық құрылтайда қандай мәселе көтеріледі?
Қазақстандық теннисшілер Билли Джин Кинг кубогына қатысады
Футболдан Қазақстан жастар құрамасы кімдер шақыру алды
943,6 мың гектар - Қазақстан Ресейге жалға берген Капустин Яр полигонының жерін қайтара алмай отыр
Алматыда бірқатар заңсыз коммерциялық нүктелер сүрілуде
Құрманғазы көшесіндегі уақытша шектеулер: Алматыда мердігер ұйым кепілдік міндеттемелері аясында жердің шөгуін реттейді
"Баянның соры болды деп жолыққан адам": Дана Нұржігіт Алагөзов туралы тосын жазба жариялады
Үкімет шетелдік маркадағы көліктерден бас тартты
30 миллиондық, 11 қабат торт - 12 жыл кешіккен блогердің тойы (Видео)
Алматы қалалық ҚАЖД мекемесінде сыбайлас жемқорлыққа қарсы семинар өткізілді
"2,5 млн теңге бопсалаған": Таразда блогер ұсталды (Видео)
«Жұмысшы мамандықтар жылы» аясында  кәсіптік бағдар берушілерге арналған семинар
Мешітте балаларға аяғын уқалатқан имамға қатысты ҚМДБ түсініктеме берді
Нариман Құрбанов Алматыдағы экологиялық жарысқа қолдау білдіріп, қала тұрғындарын тазалыққа шақырды
Украинаның қауіпсіздігі үшін Франция мен Ұлыбритания арнайы жоспар құруда
Алматыда кітаптарды тегін жеткізу қызметі іске қосылды
Қазақстан мал басын шетелге шығаруға тыйымды алты айға ұзартты
Қызғалдақ жұлсаңыз, қылмыстық жауапгершілікке тартыласыз - министрлік өкілі
Алматыда жаңа жастар театры салынады
АҚШ өкілдері Ресейге ұшып келе жатыр - Путиннің баспасөз хатшысы
Алматыда үстел теннисінен Қазақстан Республикасының чемпионаты өтеді
Алматы қаласының Қоғамдық кеңесін қалыптастыру жөніндегі жұмыс тобының мүшелерін іріктеу бойынша конкурс өткізу туралы хабарландыру
Елімізде аң-құстың 132 түрінің жоғалу қаупі бар
Байқаушылар тізімін калыптастыру бойынша іріктеу жүргізу туралы хабарландыру