Қарағанды облысында шыбын-шіркей қаптады. Қансорғыштардың көбейгені сонша тұрғындар кешқұрым үйлерінен шықпақ түгілі, терезелерін ашудан қалған. Ал қалада жәндіктерді улауға қаржы жетпей жатыр. Қаптаған шыбын- шіркейлер биіктегі пәтерлерге терезенің торынан да кіріп кетеді. Тұрғындар үйлеріне ауа кіргізе алмайды, аулада серуендейін десе көшеде де толып жүр. Қонсорғыштардың видеосын жұрт жаппай әлеуметтік желілерге жүктеп жатыр.БЛИЦ-САУАЛНАМА:- «Есік алдында балалармен қыдырып жүргенде маса көп. Шыбын- шіркейлер шағады. Көктің көп болуынан ғой, жаңбыр көп болды. Адамдарға қауіп келтірмейтіндей улайтын заттар болса әрине улағаны дұрыс қой». - «Терезенің торларынан да кіріп жатыр үйге. Балаларды шағады. Бет- ауыз, аяқ- қолдары ісіп жүретін болды. Тезірек уламаса болмайды». Дезинфекторлардың айтуынша, қонқорғыштардың көбеюіне көктемгі су тасқыны мен ағыл- тегіл нөсер себеп болған. Оның үстіне қала маңында кішігірм бұлақтар мен өзен- сулар көп. Ылғалды ауа райының салдарынан шыбын- шіркейлер орасан көбейіп кеткен. Сөйтіп мамандар насекомдарды улап үлгермей жатыр. Оған дәрі- дәрмек те, мамандар да жетпеген. Әлия ҚОҢЫРОВА, ДЕЗИНФЕКТОР:Препараттарды алудың өзі проблема. Біз өзіміз өндірмегендіктен Ресейден, Еуропадан аламыз. Тапсырыс беріп дәрі келіп үлгергенше олар көбейіп кетіп жатыр. Бір маса мысалы 200 жұмыртқа, ал шіркей 150 жұмыртқа салады. Олар өте тез көбеяді. Сондықтан жоспарланған қаржы жетпей жатыр. Жәндіктерді улайтын мердігерлер әкімдіктерден қосымша қаржы сұрамақшы. Алайда биыл қанша сома керектігін өздері де білмейді. Кезең- кезеңінен улауды жоспарлап отыр. Тұрғындарға өз бетімен дәрі қолдануға болмайтынын ескертеді. Бұл өмірге қауіпті. Сондықтан жеке пәтер иелерінің кооперативтері арқылы дезинфекторлардың көмегіне ғана жүгінуге кеңес береді.
Жаңалықтар
