Қарағандыда пара алғаны үшін сотталған шенеунік он жылдан соң ақталып, басшылық қызметіне қайта оралды. Бұл туралы Stan.kz ақпарат агенттігі хабарлайды.Осыдан он жыл бұрын Қарағандыда облыстық еңбек инспекциясы жөніндегі департаментінің басшысы Мұрат Қаракекілов пара алғаны үшін сотталған. Оған қызметтік өкілеттігін асыра пайдаланды және пара алды деген айып тағылды. Ол еңбек инспекциясы басқармасындағы бұрынғы әріптестерімен бірге сотталған. Нақтырақ айтсақ, Қаракекіловке жаңа жылдық сыйлық үшін қарамағындағы қызметкерден 20 мың теңге пара алды деген айып тағылған. "2013 жылдың желтоқсан айында Қаракекілов өзінің кеңсесінде өзінің қарамағындағы А.С.-дан жаңа жылдық сыйлықтар сатып алу үшін ақша талап еткен. Қаракекілов 2013 жылғы 27 желтоқсанда лауазымды тұлға бола тұра, өзінің қызметтік өкілеттіктерін асыра пайдалана отырып, өзінің кабинетінде қарамағындағы қызметкерден 20 000 теңге ақша алған", – делінген үкімде. Нәтижесінде Қазыбек би соты Қаракекіловті "Лауазымдытұлғаның билігі мен қызметтік өкілеттігін асыра пайдалануы" бабы бойынша кінәлі деп таныды. Оған 1,3 миллион теңгеге жуық айыппұл салынды, сонымен қатар мемлекеттік қызметте лауазымдарды атқару құқығынан айырылды. Шенеунікке өз кінәсіздігін дәлелдеу үшін он жыл қажет болды. Нәтижесінде, жоғарғы сот шенеунікті кінәсіз деп тауып, бірінші инстанция үкімінінің күшін жойды. Шенеунік мұнымен тоқтап қалмай, жұмыстан заңсыз шығарғаны үшін Қарағанды облысының әкімдігін сотқа берді. Сот Қаракекіловтың жағына шығып, оны бұрынғы қызметіне, Қарағанды облысы бойынша еңбек инспекциясы басқармасының басшысы қызметіне қалпына келтіру туралы шешім қабылдады. Сонымен қатар, Қаракекілов қаржы министрлігінен заңсыз қамауда ұстағаны, қылмыстық іс қозғағаны үшін сотқа беріп, 3 миллион теңге өтемақы өндіріп алған. Қарағанды облысының әкімдігі Мұрат Қаракекіловтың бұрынғы басшы Ирина Любарскаяны орнынан алып, бұрынғы қызметіне қайта оралғанын растады.
Қарағандыда пара алғаны үшін сотталған шенеунік он жылдан соң ақталып, қызметіне қайта оралды
Жаңалықтар
