16 тамызда сағат 09.45-те 21 жастағы қарағандылық пен оның бір айлық қызының үстіне автобустың терезесі құлаған, деп хабарлайды Zakon.kz ekaraganda.kz-ке сілтеме жасап.Әйел № 5 автобуста Майқұдықтан Оңтүстік-шығысқа шағын ауданына бара жатқан. Оқиға Достық үйі ауданында болған. Қарағандылықтың айтуынша, терезе еш себепсіз сынған. Жол апаты да болмаған, ешкім тас та лақтырмаған. Ол жолаушының басына құлаған. Сәбидің беті жабық болып, аман қалған. Ал әйел шашының арасынан шыны сынықтарын алып, қолын жарақаттаған."Мен қызыммен бірге терезенің алдында отырған едім. Баланың беті жабық болғаны жақсы болды. Оның бетіне шыны сынықтары құлайтын еді. Оның жамылғысы сынықтарға толып қалды. Басымнан да қаншамасын алдым", - деді зардап шеккен әйел. № 3 автопаркі оқиғаның мән-жайын анықтап жатқанын хабарлады.