Көпшілікке "Джейран" тобы арқылы танылған әнші Фариза Ескермес бойжеткендерге кеңес берді. Өнер иесі Instagram парақшасында қателікті қайталамау керектігін айтты, деп жазады KAZ.NUR.KZ. Әншінің әлеуметтік желідегі парақшасына оқырмандарының бірі "Қыздарға айтар үлкен кеңесіңіз қандай? Неден қателеспеу керек деп ойлайсыз", - деп сауал жолдаған. Ал Фариза Ескермес қателесуден қорықпау керектігін айтты. "Әрдайым қателесу керек. Қателік бар жерде ой түйесің, жақсы жаққа өзгересің. Өмірден таяқ жеген сайын "апгрейд" болады. Бірақ, қате екенін біле тұра жасамасаңыз болды", - деп жазды өнер иесі. Айта кетейік, осыған дейін әнші қашан тұрмысқа шығатынын айтты. Сонымен қатар Фариза Ескермес осыдан біраз уақыт бұрын көпшілікке сүйіктісін таныстырған болатын.
Жаңалықтар
