Қазақстандық Көлсайда биыл қыста түсірілген бейнероликтер жариялады. Ертегі фильміндегідей кадрлар әлеуметтік желі қолданушыларының назарын аударып, желіде қызу талқылануда, - деп хабарлайды Tengritravel.kz тілшісі.24 жастағы Ілияс Көлсай көліндегі сиқырлы сәтті камераға түсіріп үлгерді. Айтуынша, оны бірнеше күн күткен. "Бұл көріністі Көлсай көлінде ұстау үшін мен онда бес күн тұруым керек болды, бұл өте қызықты саяхат болды. Ал соңғы күні, кетуге тура келгенде, булануды күтіп, осынау сиқырлы кадрды түсіру үшін көлге түстім", - деді Ілияс басылым тілшісімен сұхбатында. Бейне Instagram желісінде 389 мыңға жуық қаралым жинады, сонымен қатар бейне TikTok-та да белсенді түрде қаралып, оқырмандар пікір қалдырды.Ілияс Есік қаласында (Алматы облысы) тұрады екен. Бірнеше күн бойы қысқы атмосфералық бейнелерді түсіру үшін Көлсайдағы қонақүйлерде түнеді. Кадр 13 желтоқсанда түсірілген. Бір қызығы, кадрлар iPhone 12 Pro телефонында түсірілген. "Бұл жерде ерекше құпия жоқ. Ең бастысы - сәтті түсіру. Қажетті уақытта керек жерде болыңыз. Түсірілім сапасына жарық әсер етеді, сондықтан тамаша суретке түсіру үшін телефонның соңғы үлгісін алудың қажеті жоқ", - деп қосты ол.