"Қазақстан Халық партиясының" республикалық сайлауалды штабының мүшелері аймақтарды аралауды жалғастырып жатыр. Бұл жолы олар Павлодар мұнай-химия зауытының ұжымымен дидарласты.Компания жергілікті мұнай өңдеу зауытының базасында жұмыс істейді. Ол бензин қоспалары мен полипропилен түйіршіктерін өндіруге маманданған. Жылдық қуаттылығы 50 мың тоннадан асады. Бөл көрсеткішті жоғарылату жоспарда бар. Себебі шикізатқа ішікі нарықта сұраныс жоғары. Сонымен қатар Ресей, Беларусь, Өзбекстан мен Тәжікстанға экспортталады. Зауытта жергілікті тұрғындар еңбек етеді. Үгіт-насихат тобының мүшелері оларға партияның сайлауалды тұғырнамасын түсіндіріп, кәсіпорын жұмысшыларының ұсыныс-тілектерін тыңдады. Владимир НАГЫМАНОВ, ҚХП РЕСПУБЛИКАЛЫҚ САЙЛАУАЛДЫ ШТАБЫНЫҢ МҮШЕСІ: Біз депутаттыққа кандидаттармен бірге осы өңірдегі басты кәсіпорын саналатын мұнай-химия зауытына келдік. Мұнда 900-ден астам адам жұмыс жасайды. Ұжымға партиямыздың бағдарлама мазмұнын таныстырдық. Осындағы еңбек адамдарымен пікір алмастық. Түрлі ұсыныстар талқыланды.