Желтоқсан айында Қазақстанның басым бөлігінде ауаның максималды және ең төменгі тәуліктік температурасының рекордтары жаңарды. Бұл туралы Stan.kz ақпарат агенттігі хабарлайды.2023 жылдың желтоқсан айында еліміздегі ауа райы құбылмалы болды. Бұған циклондар мен антициклондардың жиі ауысуы себеп болды. Желтоқсан айы шамамен екі ыстық толқынға және бір суық толқынға бөлінді. Ыстық толқындар кезінде аномальды жылы ауа райы байқалып, қар жауып, боран соғып, кей күндері қардан жаңбырға және көктайғаққа ауысуы байқалды. Суық толқын, керісінше, еліміздің солтүстігінде де, оңтүстігінде де ауа райы 30-40 градустық аязбен келді. Сондықтан желтоқсан айында ауаның максималды және ең төменгі тәуліктік температурасының рекордтары жаңартылды. Мәселен, 3-6 желтоқсан аралығында Қазақстанның бүкіл аумағында дерлік, максималды тәуліктік ауа температурасының рекордтары жаңартылды: Атырау (4 желтоқсан – +11,9°C, 2012 жылғы рекорд - + 10,6°С), Тараз (5 желтоқсан - +19,6°C, 2019 жылғы рекорд - +16,2°C асты), Шымкент (5 желтоқсан - +20,2°C, 1980 жылғы рекорд - +17,0 °C), Астана (6 желтоқсан - +3,1°С, 1961 жылғы рекордтан жоғары - +1,4°С), Павлодар (6 желтоқсан - +4,2°С, 1961 жылғы рекордтан - +2,2°С), Өскемен (6 желтоқсан - +8,5°С, 2019 жылғы рекорд - +7,2°C) және т.б. Желтоқсанның 7-18 аралығында суық ауа массаларының ағынымен және кең Сібір антициклонының әсерінен Қазақстан аумағында аязды ауа райы орнады. Республиканың басым бөлігінде термометрлер түнде -30-41°C-қа дейін (9 желтоқсанда Солтүстік Қазақстан облысындағы Рузаевка метеостанциясында -41,2°С-қа дейін), Қазақстанның оңтүстік облыстарында -22 -37°C-қа дейін төмендеді (14 қаңтарда Жамбыл облысындағы Қаратау метеостанциясында -37,2°C). Осы кезеңде бірқатар станцияларда рекордтар жаңартылды, 13 желтоқсанда Түркістан облысында Шардара метеостанциясында ауа температурасы -20,0°С-қа дейін төмендеді (1995 жылғы рекорд -15,1°С жаңартылды), 4 желтоқсанда Тараз метеостанциясында -33,9°С болды (1984 жылғы рекорд -27,5°С жаңартылды). Температуралық фонның күрт ауытқуынан басқа, Қазақстан аумағында қар жаууы, боран, дауыл соғатын жел, жаңбыр, көктайғақ, тұман сияқты құбылыстар жиі болды. Республиканың кейбір аймақтарында бір тәулікте жауған жауын-шашын мөлшері айлық нормадан асып түсті. Елордада ең төменгі ауа температурасы 12 желтоқсанда тіркеліп, -33,2°С, ең жоғары ауа температурасы 26 желтоқсанда тіркеліп, +4,8°С болды, бұл күні 1996 жылғы рекорд жаңарған - +3,4°.
Жаңалықтар
