Қазақстанда балаларға қатысты қылмыстық құқық бұзушылықтар ең көп тіркелген өңірлер аталды, - деп хабарлайды Tengrinews.kz тілшісі.Оқу-ағарту министрлігі Білім сапасын қамтамасыз ету комитеті мәліметі бойынша, Қазақстандағы балалар саны (18 жасқа дейін) - 6 616 774 бала, оның 3,7 миллионнан астамы мектеп оқушылары, 2,5 миллионнан астамы мектеп жасына дейінгі балалар, 400 мыңнан астамы техникалық және кәсіптік білім беру ұйымдарының (ТжКБ) студенттері.Балаларға қатысты зорлық-зомбылық, агрессия және қатыгездік бүгінде бала өміріне қатысты көп салада белең алғаны атап өтіледі. Зорлық-зомбылық салдары құқыққа қарсы әрекеттер мен қылмыстардың жасалуына әкеліп соғады, оның пайызы соңғы жылдары өсіп барады. Балаларға қатысты қылмыстық құқық бұзушылықтардың ең көп тіркелгені Түркістанда – 213 оқиға, Алматыда – 185 оқиға және Қарағанды облысында – 165 оқиға. Алматыда кейінгі жылдары өңірлер бойынша балаларға қатысты қылмыстық құқық бұзушылықтар 58,9 пайызға, яғни 90-нан 143-ке дейін көбейген. Батыс Қазақстан облысында 39,4 пайызға, 109-дан 152 жағдайға жетті. "Көшбасшы" өңірлер үштігін Павлодар облысы аяқтайды, онда балаларға қатысты қылмыстардың өсімі 32,8 пайыз болған, 61-ден 81 жағдайға дейін. Одан әрі батыс өңірлер орналасқан: Маңғыстау облысында балаларға қатысты қылмыстар саны 21,7 пайызға, 69-дан 84-ке, Ақтөбеде 14,3 пайызға, 84-тен 96-ға көбейген.