Қазақстандық ауыр атлеттер Париждегі өтетін Олимпиада ойындарынан шеттетілуі мүмкін

Елена Рыбакина Уимблдондағы алғашқы матчта жеңіске жетті. Рыбакина американдық Шелби Роджерспен кездесу өткізді. Рыбакинаның қарсыласы бірінші сетте 6:4 есебімен жеңіске жетті. Бірақ қазақстандық спортшы қалған екі сетте - 6:1, 6:2 есебімен асып түсіп, басымдық көрсетті. Матч бір сағат 44 минутқа созылды. Көрермен арасында аңызға айналған швейцариялық РОджер ФЭдэрэр Еленаның жеңісін қошеметпен қарсы алды. Екінші айналымда Рыбакина жапониялық НАо ХибИномен және француз АлизЭ КорнЭмен кездесудіңжеңімпазымен ойнайды. Естеріңізге сала кетейік, қазақстандық Александр Бублик те турнирді жеңіспен бастады. Қазақстандық ауыр атлеттер Париждегі 2024 жылғы Олимпиада ойындарынан шеттетілуі мүмкін. Жағдайды әйгілі Inside the games спорт порталы талдады. Мамыр айында Федерация алты спортшыдан допинг-бақылаудың оң нәтижелері туралы хабарлама алды. Маусым айының басында тағы бір ауыр атлет Артем Антроповтың нәтижесі оң екенін көрсетті. Осылайша, қазір жеті спортшы шеттетілді, оның ішінде 2023 жылғы Азия чемпионы Нұрғиса Әділетұлы да бар. Нұрғиса әлемдік олимпиада рейтингінде алғашқы орында тұр. Барлық сынақтарда бұлшықет массасының өсуін қамтамасыз ететін бодибилдерлер арасында танымал зат табылды. Халықаралық федерацияның ережелеріне сәйкес, бір жыл ішінде үш немесе одан да көп допингтік бұзушылықтар жасаған ұлттық федерациялар төрт жылға дейін шеттетілуі мүмкін. Ал Парижге іріктеу ережелеріне сәйкес 2021 жылдың шілдесі мен 2024 жылдың шілдесі аралығында үш немесе одан да көп допингтік бұзушылықтар жасаған елдер Олимпиада ойындарына қатысудан автоматты түрде шеттетіледі. Қазақстан федерациясы В сынамаларын талдауды сұратып, өз зерттеуін жүргізетінін мәлімдеді. Алайда, егер федерация допингке қатысты кейбір шешімдер мен тұжырымдарға қарсы шыққысы келсе, бұл бірнеше айға созылады, - деді спорт шолушы Брайан Оливер. Футзалда "Қайрат" бразилиялық әмбебап Педро Рибейромен келісімге келді. Ойыншы мәскеулік "КПРФ"-дан ауысқан. Оның құрамында футболшы былтыр Ресей чемпионы және Кубок финалисі атанды. Педроның өткен маусымдағы статистикасы - 27 ойында 10 гол соғып, 6 рет голға доп шығарған. "Барыс" трансферлер саны бойынша құрлықтық хоккей лигасында көшбасшы атанды. Клуб бірден он жеті мәміле жасады. Жаңа төрт спортшымен келісім жасалып, он үш ойыншымен мерзім ұзартылды. Қорғаушы Дэвид СклЕничка мен шабуылшы Понтус Оберг қазақстандық клубқа жаңадан келді. Сондай-ақ "Барысқа" қақпашы Эдвард Паскуале мен шабуылшы Роман Старченко оралды. Сонымен қатар, "Барыс" Майкл Шапюмен 2024 жылдың сәуірдің 30-ына дейін келісімшартын ұзартты. Шапю өткен күзде "Барыс" құрамын толықтырды, бірақ жарақатына байланысты маусымды толықтай аяқтай алмады. 10 матчта форвард үш шайба соқты. «Қазір Шапю операциядан кейін оңалту курсынан өтіп жатыр және жаттығулар басталар кезде клубқа келуге дайын. Ол шайба тастау және қақпашыға шабуыл жасау тәсілдерін жақсы меңгерген. Жалпы, Майкл жоғарғы санаттағы орталық шабуылшы деңгейіне лайық» - деді "Барыстың" бас менеджері Вячеслав Белан. "Барыс" хоккей клубы Қазан қаласындағы маусым ашар турнирде өнер көрсетеді. «Ақ Барс», Ярославтық «Локомотив» және Челябинсктың«Трактор» сияқты командалармен бірге TANECO 2023 кубогына таласады. Әр команда топтық кезеңде үш матч және турнирдегі соңғы орындарды анықтау үшін бір қосымша матч өткізеді. "Барыс" алғашқы ойынын тамыздың 10-ы "Локомотивке"қарсы өткізеді. 3-ші орын үшін матч пен финал тамыздың 14-і өтеді. Қазақстандық боксшы Тұрсынбай Құлахмет екі жылдан кейін кәсіби рингке оралуға дайындалып жатыр. Шілденің 22-і отандық файтер Дубайда өтетін бокс кешінде өнер көрсетеді. Қарсылас әлі белгісіз, бірақ регламентті жарияланды, барлығы – 8 раунд болады. Құлахмет 2021 жылдың қазан айынан бастап рингке шықпады. Содан кейін ол доминикандық ХуАн КАрлос АбрЕуден Дабл Ю Би Си халықаралық атағы үшін шайқаста сенсациялық түрде жеңіліп қалды. Кәсіпқой бокстағы қазақстандық боксшының статистикасы-4 жеңіс және бір жеңіліс. Әуесқой деңгейде спортшы 2019 жылғы Азия чемпионы және 2019 жылғы әлем чемпионатының қола жүлдегері атанды. Тағы бір қазақстандық боксшы Жан Кособуцкий америкалық Джаред Андерсонмен жекпе-жекке дайындалуда. Жеңілмеген Кособуцскийдіңойыны шілде айының басында болуы керек еді, бірақ виза мәселелеріне байланысты Жан АҚШ-қа ұша алмады. Атақты промоутер Боб Арум кәсіпқойлардың жекпе-жегін асыға күтуде. "Біз Джаредтің жекпе-жегін Талсада тамыздың 29-ы алғашқы қарсыласы Кособуцкиймен ұйымдастырғалы жатырмыз. Кособуцскийдің рекорды 19-0. Виза мәселесі шешіліп,бұл жекпе-жекті көреміз деп үміттенемін» - деді промоутер Боб Арум. Қазақстандық атақты спортшы Шавкат Рахмоновтың UFC-дегі Келвин Гастелуммен жекпе-жегі қыркүйектің 16-ы Лас-Вегаста өтеді. Американдық журналист Джек МаккАферри жекпе-жек туралы: «ГастЭлумда қиындықтар туғызатын дағдылар бар. Алайда оның мәселесі салмақ дәрежесін өзгертуі болып тұр. Салмақты көтерген кезде де қиындықтар туындайды, бірақ ең қиыны- салмақ дәрежесін түсіру. Менің ойымша, ол өзінің бар күшін көрсете алмайды. Бұл Шавкатқа қарсы ешқандай мүмкіндік жоқ дегенді білдіреді. Рахмонов кез-келген жағдайда жеңіске жетеді және жекпе-жектің мерзімінен бұрын аяқталуы ықтимал», - деп болжады. Естеріңізге сала кетейік, өткен жекпе-жекте Шавкат Джефф Нилді үшінші раундта жеңді. Қазір Рахмоновтың ММА-дағы рекорды-17:0. Португалдық футболшы ЖОта НЭвеш Сауд Арабиясының "Әл-Иттихадына" ауысты. Үш жылдық келісімшарт клубқа 25 миллион фунт стерлингті құрады. Бұл Сауд Арабиялықтардың өздеріне алған үшінші еуропалық ойыншысы. Олар жақында ғанаФранцуз шабуылшысы Карим Бензема мен Челси ойыншысы Нголо Кантемен келісімшартқа қол қойды. 24 жастағы португалдық ЖОта НЭвешшілденің 4-іне дейін Селтикте ойнап, өткен маусымда 33 матчқа қатысып, 11 гол соғып, 11 голға шығаратын пас берді. Қазақстандық Айбар Ержанов Гонконгта өткен турнирде пауэрлифтинг бойынша 10 алтын медаль жеңіп алды. Спортшы классикалық және жабдықтау пауэрлифтингінің барлық түрлері бойынша үздік атанды. Ол классикалық пресс бойынша Азия рекордын екі рет жаңартты. Азия-Тынық мұхиты-Африка аймағының чемпионатына барлығы 40 елден 500-ден астам спортшы қатысты.