Жалпы бүгінде еліміздегі әйелдер саны 10 миллионнан асты. Соның 3 миллионы әлі кәмелет жасқа толмаған. Бұл жөнінде бүгін денсаулық сақтау министрі Ажар Ғиният Үкімет отырысындағы есебінде айтты.Халықтың арасында мінез-құлық қауіп факторларын және артериялық гипертония, жүректің ишемиялық ауруы, қант диабеті, глаукома және В, С вирустық гепатиттері сияқты кең таралған ауруларды, әйелдердегі обыр ауруларын анықтау мен диагностикалау скринингтері жүргізіледі - дейді Ажар Ғиният. Сондай-ақ министр әйелдердің көбіне қандай ауруға шалдығатынына талдау жасаған. Оған сәйкес әйелдер: 27% тыныс алу ағзаларының аурулары, 12% несеп-жыныс жүйесінің, 8% қанайналым жүйесінің, 6% сүйек-бұлшықет жүйесінің және ас қорыту ағзаларының ауруларымен күресуде. Жалпы ҚР бойынша аурушаңдық бір жылда 4 пайызға өскен.100 мың халыққа шаққанда 50 мыңнан астам адамды құрайды). Диспансерлік есепте 3 млн-ға жуық әйел динамикалық бақылауда, бұл есепте тұрған ересек халықтың жалпы санының 62,5%-ын құрайды (4,8 млн адам).Жыл сайын стационарларда 2 млн-ға жуық әйел емделеді, 500 мың хирургиялық араласу жүргізілді. Жалпы әйелдердің өмір сүру ұзақтығы 74 жасты құрайды, әйелдер ерлерге қарағанда 7,7 жасқа ұзағырақ (66,33 жас) өмір сүреді, - деді Ажар Ғиният өз есебінде.