Қарағанды облысының тұрғыны әдеттен тыс жолмен алимент төлеуден жалтармақ болған. Ол анасы арқылы "қайтыс болғанын" мәлімдеген. Бұл туралы Stan.kz ақпарат агенттігі хабарлайды.Қарағанды облыстық жеке сот орындаушысы Саяхат Ахметжановтың айтуынша, борышкер алимент төлеуден қасақана жалтарып отыр. Сондай-ақ берешектің пайда болуына байланысты жүргізуші куәлігін тоқтата тұру туралы сотқа жолдама берілді."Чатта ер адам анасы арқылы қайтыс болғанын жазғанда қатты таң қалдық. Әрине, біз өтініш жасап, борышкердің тірі және сау екенін анықтадық (оның ақыл-есі дұрыстығы туралы өтініш бердік). Сонымен қатар, борышкер TikTok желісінде күн сайын контент жариялап отырды”, – деді сот орындаушы.