Қазақстан Халық партиясының сайлауалды штабының мүшелері Семей қаласындағы кондитерлік фабрикалардың бірінде болды.2013 жылы құрылған бұл компанияның жылдық қуаты- 22 мың тонна. Қазір жүзден астам өнім түрін шығарады. Дайын тауар аймақтағы тұтынушылардан бөлек Ресей, Грузия, Өзбекстан мен Қырғызстанға сатылады. Кандидаттар жемісті еңбек етіп жатқан ұжымға алдағы саяси науқанның маңыздылығын бүге-шүгесіне дейін түсіндіріп, партияның бастамалары жайлы пікір алмасты. Логистика, әсіресе темір жол - аймақ экономикасында зор маңызға ие.Өңір арқылы өнімдеріміз сыртқа экспортталып, Азия мен Еуропа арасында транзиттік жүк тасымалданады. Саяси ұйым осыны іске асырып отырған білікті мамандармен жолығып, өздерінің тұғырнамасын таныстырды. Оксана ШИШКИНА, ҚХП САЙЛАУАЛДЫ ШТАБЫНЫҢ МҮШЕСІ: Қаншама вагондар құрамы осы жер арқылы қатынауда. Қала тұрғындарының белгілі бөлігі осы салада еңбек етеді. Сондықтан біз командаға барып, сайлауалды бағдарламамыз туралы айтуды жөн көрдік. Мұндай кездесулер бүгінгідей республикамыз бойынша әртүрлі ұжымдармен өткізілуде.