Қазақстан Халық партиясының мүшелері өңірлерді аралап жүр. Сайлаушылармен кездесіп, сайлауалды бағдарламаны кеңінен түсіндірді. Айта кетейік, "Қазақстан Халық партиясы" атынан Мәжіліс депутаттығына 66, жергілікті мәслихаттардағы мандатқа 500-ге жуық үміткер ұсынылған.Кезекті кездесу 50 жылдық тарихы бар темірбетон зауытында ұйымдастырылды. Ақтау қаласында орналасқан кәсіпорын негізінен тұрғын үй құрылысына қажетті материал әзірлейді. Сұраныс бойынша мұнай компанияларының да тапсырысын орындайды. Партия өкілдері еңбек ұжымын тұғырнамамен таныстырып, мамандардың ұсыныс-тілектерін тыңдады. Орта есеппен алғанда айына 2 жарым тонна өнім өндірілетін зауытта қазір 200-ден астам жұмысшы еңбек етеді. Рүстем ЖҰМАЕВ, КОМПАНИЯНЫҢ БАС ИНЖЕНЕРІ: Алдағы өтетін үлкен саяси науқаннан әрбір адам шет қалмауы керек. +біздің ұжымымыз халық партиясының өкілдерімен кездесу өткізді. Олардың баяндамаларын тыңдап, әртүрлі сұрақтар беріліп ұсыныстар айтылды.