Қазақстан Халық партиясының өкілдері Солтүстік Қазақстан облысында екі бірдей кездесу өткізді. Кандидаттар алдымен Петропавл қаласының іргесіндегі ауылшаруашылық кешенінде болды.Кәсіпорын сүтті бағыттағы ірі қара өсірумен айналысады. Мұнда тәулігіне он тонна өнім өндіріледі. Толықтай автоматтандырылған фермада елу адам еңбек етеді. Үгіт-насихат тобы жұмысшылармен кездесіп партияның сайлауалды бағдарламасын таныстырды. Облыс орталығында осыдан екі жыл бұрын трансформатор зауыты ашылған. Кәсіпорындағы қызметкерлердің басым бөлігі – жастар. Үміткерлер олармен де кездесті. Жұлдыз ЕЛЕМАНОВА, ҚАЗАҚСТАН ХАЛЫҚ ПАРТИЯСЫНЫҢ МҮШЕСІ: Қазақстан халық партиясының өкілдері мен жұмысшылар арасында ашық диалог болып өз сайлауалды бағдарламамызды таныстырдық. Негізі түрлі саланың өкілдерімен кездесу өткізілуде. Фермерлерде болдық, қазір өндірісте жүрміз. Алдағы күндері медицина, шағын және орта бизнес басқада еңбек ұжымдарын қамтитын боламыз.