Көктайғақ пен тұман болады: Еліміздің астанасы мен 10 облысында дауылды ескерту жарияланды

Алдағы тәулікте синоптиктердің болжауынша, жаңбыр мен қар түріндегі жауын-шашын болады, оңтүстікте және орталықта қатты жауын-шашын, желдің күшеюі және ауа температурасының жоғарылауы күтілуде. Астанада және еліміздің 10 облысында дауылды ескерту жарияланды.Синоптиктердің хабарлауынша, республика бойынша жылдам қозғалатын белсенді оңтүстік циклон жаңбыр мен қар түріндегі жауын-шашын әкеледі, оңтүстікте және орталықта қатты жауын-шашын, желдің күшеюі және ауа температурасының жоғарылауы күтілуде. Ал республиканың оңтүстік-шығысында антициклон сілемінің әсерінен жауын-шашынсыз ауа райы күтіледі. Республика бойынша тұман, көктайғақ болады деп болжануда. Астанада күндіз жауын-шашын (жаңбыр, қар) күтіледі. Түнде және таңертең тұман болады, дейді синоптиктер. 9 наурызда Ақмола облысында жауын-шашын (жаңбыр, қар) күтіледі. Облыстың батысында, солтүстігінде және шығысында тұман болады. Синоптиктер Жамбыл облысында 9 наурызда нөсер жаңбыр жауып, ауа температурасының жоғарылауы күтілетінін хабарлады. Сарысу, Талас, Жуалы аудандарында еңіс ағынының қалыптасуы және өзендердегі су деңгейінің көтерілуі күтілуде. Шығыс Қазақстан облысында солтүстік және солтүстік-шығыс облыстарда қатты жаңбыр жауады, сондықтан қардың қарқынды еруі күтіледі. Еріген судың топыраққа сіңуі қиын болады, бұл жер бетіндегі су ағындарының пайда болуына және мүмкін су басуына әкеледі. Павлодар облысының батысы мен оңтүстігінде қар жауып, жаңбыр жауады, көктайғақ болады. Секундына 15-20 метр жылдамдықпен жел соғады. Солтүстік Қазақстан облысының батысында аздаған қар жауады, күндіз оңтүстікте, батыста және шығыста жауын-шашын (көбінесе қар), бұрқасын, көктайғақ күтіледі. Абай облысында күндіз оңтүстік-шығыстан жел соғады, екпіні секундына 15-20 метрге жетеді. Қостанай облысының шығысы мен батысында тұман күтіледі. Ақтөбе облысының солтүстігі мен батысында тұман күтіледі. Облыстың оңтүстігі мен шығысында көктайғақ күтіледі. Қызылорда облысының солтүстігінде, оңтүстігінде және орталығында түнде тұман, көктайғақ күтіледі. Түнде Маңғыстау облысының солтүстігі мен шығысында көктайғақ күтіледі. Батыста, облыс орталығында тұман болады, деп болжайды синоптиктер.